1. DATAS E PARTICIPANTES

A feira terá lugar do 23 de xuño ao 3 de xullo de 2022 , ambos inclusive, e terán cabida os Establecementos de Hostalería e Restauración de Cangas do Morrazo.

A participación da Feira da Tapa 2022, conleva a aceptación das bases de participación que se presentan a continuación, e os establecementos deben cumprir cos requisitos legais correspondentes á actividade económica que desenvolve nos seus establecementos.

A participación está aberta á tódalas persoas físicas ou xurídicas cuxas actividades profesionais sexan RESTAURACIÓN E HOSTALERIA e que desenvolvan a súa actividade nun establecemento fixo no Concello de Cangas, establecemento que debe contar con cociña acorde ós servizos que presta , un espazo de lecer onde os clientes poidan gozar da tapa, ademais de aseos propios.

2. A TAPA: MODALIDADES DE PRESENTACIÓN

a) A TAPA  (Establecementos de restauración, cafeterías e bares, con instalación de cociña adecuada aos servizos e categoría do establecemento, sendo imprescindible que cada establecemento cumpra cos requisitos legais correspondentes a actividade  económica e licenza que posúe o local).

b) ELABORACIÓN  ESPECIAL ( Cócteles, batidos,  zumes, cafés, xeados …)

Nas dúas modalidades Tapa ou Elaboración especial, cada establecemento debe :

• Ser unicamente unha por local, e sempre a mesma.
• Ter un nome específico que se incluirá nas formas de difusión do evento.
• Estar preparada con produtos de calidade.
• Ter uns mínimos de elaboración e presenza.
• Estar deseñada especialmente para a participación na feira.
• Non formar parte da oferta habitual do local.
• Ser servida sen excepción, nos horarios e días marcados previamente por cada local, durante o tempo que dure a feira.

É condición indispensable para participar na Feira da Tapa, que tódolos produtos e elaboracións teñan un mínimo de calidade e presenza. O xurado poderá velar polo cumprimento desde requisito, reservándose o dereito de prescindir das propostas que o incumpran.

  c) PREZO DA TAPA

O prezo fixo de venda ao público, con total independencia de calquera outra bebida ou produtos consumido, será de :

-3 euros (IVE incluído) na modalidade de Tapa.

– 4,5 euros (IVE incluído) na modalidade de elaboración especial.
3. OS ESTABLECEMENTOS: obrigas e condicións para a participación:

• Estar en posesión da Licenza de apertura e dados de alta no Imposto de Actividades Económicas, nalgunha das actividades encadradas no marco que a organización establece.
• Asegurar nos seus establecementos as necesarias condicións de limpeza, seguridade, hixiene e atención ao cliente.
• Comprometerse a manter aberto e en funcionamento o seu establecemento nas datas e horarios fixados para a feira. Ao mesmo tempo, cada local é libre de escollelo seu propio horario no que servir a tapa, tendo en conta que deberá ser respectado ao longo de todo o evento; Tamén se deberá detallar na folla de inscrición os días oficiais de peche de cada local. Este poderá ser ampliado pero xamais reducido.
• Ofrecer calidades nos produtos das tapas e elaboracións especiais ofertadas.
• Crear una tapa ou elaboración especial deseñada especificamente para súa participación na feira, que será presentada cun nome específico e descrición da receita de elaboración, o cal se incluirá nas diversas formas de difusión do evento.
• Será obrigatorio servir as tapas e elaboración especiais durante os días que dure a feira e nos horarios establecidos, comprometéndose a non cambialas no transcurso da feira, e coa previsión existente para non esgotar as existencias.
• Asistir a unha presentación da feira, previa ao inicio da mesma (na Praza de Abastos os días 6 e 7 de xuño) na que se presentará a Tapa ou Elaboración Especial ao xurado, e se realizará un rexistro fotográfico que se incorporará ao material informativo e publicitario.
• Colaborar en tódalas accións de comunicación, publicidade e relacións públicas do evento nas que sexa requirido.
• Situar nun lugar visible do establecemento os distintivos promocionais da feira co fin de garantir a máxima difusión, e colocar nun lugar visible e de doado acceso a urna na que o público depositará os seus votos.
• Selar, cando os clientes o soliciten as papeletas para votar e o pasaporte, logo de consumir a Tapa ou Elaboración Especial.
• A participación na feira da tapa 2022 conleva a aceptación das presentes bases de participación.

4. COTA DE INSCRIPCIÓN E FORMA DE PAGO :

A  cota de inscrición na X Feira da Tapa será de 70 euros si se inscribe nunha das dúas modalidades, e de 100 euros para os establecementos que se inscriban nas dúas modalidades. Esta cota aboarase mediante ingreso ou transferencia bancaria á conta corrente de titularidade da Asociación de Restauradores de Cangas do Morrazo,  na entidade bancaria Abanca e con número de conta ES48 2080 5079 8430 4001 5051 indicando no concepto: FEIRA DA TAPA 2022/NOME DO ESTABLECENTO.

Non se fará efectiva ningunha inscrición que non se acompañe do xustificante do pagamento de cota. Una vez admitido, non se devolverá o importe de cota, salvo por cuestión de forxa maior demostrables. O importe recadado coas inscrición destinarase aos custes de organización do evento.

 

5. PRAZO E INSCRIPCIÓNS: Os establecementos interesados en participar deben entregar en tempo e forma a seguinte documentación:

• Folla de inscrición debidamente cumprimentada.
• Xustificante do ingreso da cota de participación.

A documentación anterior entregarase por correo electrónico a turismo@cangas.gal                   (indicando no asunto inscrición Feira da Tapa 2022)

Tamén pode entregarse en persoa na oficina de turismo no Concello de Cangas dirección casa da bola avenida Sequeiros número 9 en horario de luns a venres de 9.00 a 15.00 horas. A data límite de recepción da inscrición será o 3 de xuño.

6. PREMIOS PARA OS LOCAIS PARTICIPANTES:

–PREMIO DO XURADO: o fallo do xurado darase a coñecer nun evento final no Concello unha vez finalizado o concurso, e será inapelable. Tódolos participantes obterán un distintivo acreditativo e os establecementos gañadores elixidos polo xurado recibirán un premio aínda por determinar.

–PREMIO DO PÚBLICO;

Outorgarase mediante votación popular, será o público quen emita o seu voto polo que o prazo de votación será o mesmo que a duración da feira do 23 de xuño o 3 de xullo.

As votacións realizaranse nas urnas sitas nos establecementos participantes e mediante as tarxetas que se distribuirán para a ocasión. O sistema de votación será como  anteriores ocasións, en cada papeleta haberá 3 ocos para selar  en cada establecemento que se consuma unha tapa e no cuarto oco elixírase a mellor tapa desas 3 consumidas. Os votos que non cumpran con estas regras serán anulados, os gañadores daranse a coñecer nun evento final no Concello.

7-PREMIOS PARA O PÚBLICO:

Entre tódalas papeletas emitidas e válidas escolleranse ao azar as persoas premiadas.

Os premios ao público tamén se entregarán nun acto final no Concello de Cangas.