Saborea as tapas participantes
Do xoves 28 de xuño ao domingo 8 de xullo, nos horarios que os establecementos establezan para a consumición das preparacións
Premios do Xurado: á mellor Tapa, e á mellor Elaboración Especial.
Premio do Público: á mellor Tapa, ou a mellor Elaboración Especial.
A túa tapa por só 2 € (Bebida non incluída); e o teu cóctel, por 3 €.
Vota a túa tapa ou a túa elaboración especial favorita. Poderás gañar un fin de semana de enoturismo e balneario!
Arranca en Cangas a Feira da Tapa 2018, o certame gastronómico que impulsa a Asociación de Restauradores de Cangas (ARECA) e na que colaboran as concellarías de Turismo e Desenvolvemento local.
A Feira terá lugar do 28 de xuño ao 8 de xullo de 2018, ambos inclusive. Comeza así o verán en Cangas cheo de sabor, onde poderedes degustar o mellor da gastronomía local.Os horarios de apertura e de servizo da tapa serán os que establezan cada establecemento.
A participación está aberta á tódalas persoas físicas ou xurídicas cuxas actividades profesionais sexan Restauración e Hostalería e que desenvolvan a súa actividade nun establecemento fixo no Concello de Cangas, establecemento que debe contar con cociña acorde ós servizos que presta e un espazo de lecer onde os clientes poidan gozar da tapa, ademais de aseos propios.
Os prezos serán de 2 euros por tapa (bebida non incluída) e de 3 euros por cóctel (IVE engadido).
Cada establecemento poderá participar nunha das dúas modalidades (tapa ou elaboración especial), sempre e cando cumpra os requisitos establecidos nas bases.
É condición indispensable para participar na Feira da Tapa, que tódolos produtos e elaboracións teñan uns mínimos de calidade e presenza. O xurado poderá velar polo cumprimento deste requisito, reservándose o dereito de prescindir das propostas que o incumpran.
Para os establecementos:
Entre todas as tapas e elaboracións especiais presentadas, un xurado profesional escollerá as tres mellores Tapas e a mellor Elaboración Especial. Os catro establecementos gañadores obterán un distintivo acreditativo como recoñecemento público, e diferentes premios.
Tamén o público será participante na escolla das tres mellores Tapas e da mellor Elaboración Especial. Outorgando aos catro establecementos gañadores un distintivo acreditativo e diferentes premios. MÁIS INFO
Para o público:
Axúdanos a elixir a mellor Tapa, e a mellor Elaboración Especial da Feira da Tapa de Cangas e participa no sorteo de cinco excelentes premios. É moi sinxelo: enche a tarxeta de votación, escolle a mellor Tapa ou a mellor Elaboración Especial, deposita a papeleta na urna específica nos establecementos participantes, e xa está!
Presenta o teu pasaporte “Sabe ben” e terás un regalo seguro! Visita todos os establecementos participantes e gana! As tres primeiras persoas que presenten o pasaporte selado por todos os locais terán dereito a un regalo seguro. MÁIS INFO